сүңгуір қайықтан қорғану

(Противолодочная оборона)

сүңгуір қайыққа қарсы күрестің құрамды бөлігі және флоттың қорғаныс күштерінің бір түрі. С.қ.қ. жүйесіне: қарсыластың сүңгуір қайықтарын іздеп табу мен жою; теңіз ұрыс қимылдарын сүңгуір қайыққа қарсы құралдармен, техникалық бақылау құралдарымен жабдықтау; сүңгуір қайыққа қарсы шолғын (дозор) ұйымдастыру кіреді. С.қ.қ. қарсыластың сүңгуір қайық базарларына соққы беру, оның порттары мен ашық теңізге шығатын фарватерін (кеме жүзе алатын арналарын) миналау, ашық теңіздегі сүңгуір қайықтарын жою арқылы жүзеге асады. Қарсыластың сүңгуір қайықтарын тауып, жою міндеттерін, сондай-ақ өз кемелерін, көліктері мен жағалаудағы маңызды объектілерінің қауіпсіздігін қамтамасыз етуді арнаулы С.қ.қ. кемелері, С.қ.қ. ұшақтары мен тікұшақтары атқарады.